Hong Kongu vendos rregulla karantine për ata që shkojnë nga Kina

08:10 | 8 Shkurt 2020
Arbresh.info

Hong Kongu ka nisur një karantinë obliguese dyjavore ndaj çdokujt që shkon nga Kina, një përpjekje e re për të përmbajtur virusin e ri vdekjeprurës, koronavirus.

Vizitorët duhet të izolojnë veten në dhomat e hoteleve ose të shkojnë nëpër qendrat qeveritare kurse banorët e Hong Kongut që kthehen duhet të qëndrojnë brenda shtëpive të tyre, transmeton portali arbresh.info.

Kushdo që kapet duke mos përfillur rregullat e reja përballet me gjobë dhe me burgim.

Dhjetëra mijëra udhëtarë u radhitën në qytetin kufitar kinez të Shenzhen për të mposhtur afatin e së premtes në mesnatë.

Hong Kongu ka parë 26 raste të konfirmuara të virusit dhe një person ka vdekur. Numri i rasteve të konfirmuara në Kinën kontinentale është 34.546, me 722 vdekje.

Jashtë Kinës, 270 raste janë konfirmuar në të paktën 25 vende, me një fatalitet tjetër – në Filipine./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm