Google ADS

Syla: Koalicioni në mes LVV dhe LDK ka qenë vështirë i parashikueshëm

21:44 | 2 Shkurt 2020
Arbresh.info

Analisti Valon Syla thotë se një koalicion i mundshëm në mes të Vetëvendosjes dhe Lidhjes Demokratike të Kosovës ka qenë vështirë i parashikueshëm për shkak të deklaratave të anëtarëve të të dyja partive politike.

Sipas tij, çdo deklaratë e dhënë për publikun që pas 6 tetorit ka qenë vetëm pjesë e luftës për të fituar pozicion.

“Nga “koalicioni i shpresës” u bë ‘luftë për pushtet’”, tha Syla në emisionin “Pressing” në T7.

“Kanë lëshuar parime të rrejshme… më shumë ka qenë taktikë e tyre që të fitojnë pozicione dhe tash e shohim që me emërimet e reja kjo ka qenë një luftë e brendshme për pushtet”, shtoi ai.

Nesër, e hënë, do të mbahet seanca e Kuvendit të Kosovës, ku do të votohet për formimin e Qeverisë së re.

Sipas marrëveshjes që u nënshkrua sot, Qeveria e re e Kosovës, e udhëhequr nga LVV dhe LDK do të ketë 15 ministri, dy zëvendëskryeministra dhe rreth 33 zëvendësministra. Ndërkaq, kryetari i Kuvendit të Kosovës, do t’i takojë Lidhjes Demokratike të Kosovës.

Shpërndaje në rrjete sociale

Lajmet më të lexuara

Të ngjashme

Foto lajm