Gjiganti suedez i mobiljeve tha se mbyllja është e përkohshme dhe se 14.000 punonjësve të saj u është kërkuar të qëndrojnë në shtëpi me pushim të paguar deri në njoftimin radhës.
Gjiganti suedez i mobiljeve IKEA ka mbyllur 30 filialet e saj në Kinë për shkak të epidemisë së koronavirusit të ri.
Përmes një deklarate, kompania suedeze tha se mbyllja është e përkohshme dhe se 14.000 punonjësve të saj u është kërkuar të qëndrojnë në shtëpi me pushim të paguar deri në njoftimin radhës.
Ndryshe, koronavirusi deri më tani ka marrë jetën e të paktën 170 njerëzve në Kinë, ndërsa mbi 7.000 janë infektuar. Po ashtu, më shumë se 60.000 njerëz kanë qenë nën vëzhgimin mjekësor.
Që nga shpërthimi i epidemisë në fund të vitit të kaluar, Kina e ka vendosur qytetin Wuhan, ku u shfaq virusi, nën një bllokim në përpjekje për ta parandaluar përhapjen.
Përveç Kinës, raste të virusit janë regjistruar edhe në Japoni, Korenë e Jugut, Tajlandë, SHBA, Singapor, Francë, Gjermani, Vietnam dhe Kanada.
Udhëtarët nga Kina po kontrollohen në aeroportet në mbarë botën, ndërkohë që disa linja ajrore kanë pezulluar fluturimet për në Wuhan./aa/
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3