PDK thotë se u mblodh në mesnatë për një vizitë të Borrellit

00:10 | 30 Janar 2020
Trina Galanxhi

Ka përfunduar mbledhja e kryesisë së PDK’së, e cila zgjati rreth dy orë. Drejtori i PDK’së për Komunikim dhe Media, Bashmir Xhemaj thotë se mbledhja s’ka qenë urgjente dhe se në të u diskutua për vizitën e Përfaqësuesit të Lartë të Bashkimit Evropian, Josep Borrellit.

Pas përfundimit të mbledhjes, e cila ishte thirrur pak para mesnatës, zyrtari i PDK’së ka thënë se nuk ka pasur asnjë urgjencë, raporton Gazeta Express.

“Mbledhja është planifikuar të mbahet në orën 19:00, por është shtyrë në 22:00 për shkak të angazhimeve të disa anëtarëve të kryesisë”, ka thënë Xhemaj.

Sipas tij, kjo mbledhje është thirrur për të diskutuar rreth vizitës së ndërmjetësuesit të BE’së për dialogun Kosovë – Serbi, i cili qëndron nesër në Prishtinë.

“Nuk ka pasur kurrfarë urgjence, por lidhet me vizitën e z. Borrell nesër. Qëndrimet e PDK’së për këtë vizitë do të mbahen nesër përmes një konference të shypit, që do të mbahet nesër”, ka shtuar Xhemaj.

Shpërndaje në rrjete sociale

Lajmet më të lexuara

Të ngjashme

Foto lajm