Nëse keni probleme me flokët e thatë ose vëreni se ata janë pa jetë, me maja të dyfishta dhe të lodhur mund të përgatisni një balsam zbutës dhe ristrukturues për të parandaluar këto probleme.

Receta e balsamit të flokëve të bërë vetë është e thjeshtë, por shumë efikase falë përdorimit të përbërësve ushqyes, hidratues dhe mbrojtës.

Farat e linit janë një përbërës natyral shumë i dobishëm për kujdesin e flokëve falë disa përbërësve të gjendur në brendësi të tyre. Kanë veprim ristrukturues, ushqyes dhe anti-rënie të flokëve nëse keni probleme me to.

Janë gjithashtu shumë të dobishme edhe për të kuruar fenomenin e majave të dyfishta.

Përbërësit:

40 gr fara lini

1 lugë gjelle vaj kokosi

1 lugë gjelle vaj bajamesh

1 lugë gjelle mjaltë

5 pika vaj esencial rozmarine

5 pika vaj esencial limoni

Përgatitja:

Në një tas plot me ujë shtoni farat e linit dhe lërini aty derisa të zbuten. Më pas vëni në zjarr të ziejnë për 6-7 minuta.

Duke përdorur një sitë të rrallë, kulloni farat e linit dhe hiqni mënjanë xhelin që është formuar.

Më pas, hidhni në një vazo qelqi xhelin e krijuar, vajin e kokosit dhe të bajameve.

Përzieni përbërësit me një lugë druri derisa të krijoni një përbërje homogjene. Shtoni dhe vajrat esencialë dhe përziejeni përsëri përmbajtjen.

Receta juaj e balsamit të flokëve është gati!/ Living.al.