Lidhja Demokratike e Kosovës(LDK), ka bërë të ditur gjithçka çka është diskutuar në Kryesinë e saj rreth mundësisë së arritjes së një koalicioni me Vetëvendosjen për formimin e qeverisë.
LDK bën të ditur se nga takimi 3 orësh me kryesin e saj, është dakorduar se vendi ndodhet në një situatë të rëndësishme politike, meqë tashmë implementimi i vullnetit politik të qytetarëve, shprehur në zgjedhjet e 6 tetorit 2019, në bazë të dispozitave kushtetuese, është i afatizuar.
Po ashtu në deklaratën e Kryesisë së LDK-së thuhet se kjo parti edhe një herë, shpreh vullnetin për marrëveshje politike të balancuar me Lëvizjen Vetëvendosje./arbresh.info
Deklarata e plotë:
Deklaratë e Kryesisë
21 janar 2020
Në mbledhjen e mbajtur sot, Kryesia e Lidhjes Demokratike të Kosovës trajtoi situatën politike pas mandatimit nga ana e Presidentit të kandidatit për Kryeministër.
LDK-ja vlerëson që vendi ndodhet në një situatë të rëndësishme politike, meqë tashmë implementimi i vullnetit politik të qytetarëve, shprehur në zgjedhjet e 6 tetorit 2019, në bazë të dispozitave kushtetuese, është i afatizuar.
LDK-ja, edhe një herë, shpreh vullnetin për marrëveshje politike të balancuar me Lëvizjen Vetëvendosje, që do të reflektonte në tërësi rezultatin e zgjedhjeve të 6 tetorit.
Kryesia e LDK-së konsideron që marrëveshja e propozuar nga Ekipi negociues i LDK-së, e mbështetur në orientimet e Këshillit të Përgjithshëm, e reflekton në tërësi rezultatin e zgjedhjeve, garanton përfaqësim dhe përgjegjësi të balancuar, që janë të domosdoshme për funksionimin e institucioneve dhe për demokracinë në vend.
LDK-ja fton Lëvizjen Vetëvendosje, si parti e parë dhe që ka përgjegjësinë për të formuar institucionet e reja, që të veprojë shpejt dhe me vendosmëri për të arritur marrëveshjen me LDK-në.
Adi Krasta jep dorëheqje nga pozita e zëvendësdrejtorit në R...
Organizatorët e Topit të Artë: Askush nuk e di fituesin e çm...
Hapet konkursi për 500 bursa për nxënësit e shkollave të mes...
Dalin në shitje biletat për sektorin e tifozëve të Kosovës p...
Jashari takon shefin e stafit të KFOR-it, flasin për bashkëp...
Begaj e falënderon ministrin e Arabisë Saudite për njohjen e...