Barcelona dëshiron që Aubameyang të zëvendësoi Suarez

11:24 | 21 Janar 2020
Arbresh Info

Ylli i Arsenalit, Pierre-Emerick Aubameyang është i kërkuar nga Barcelona.

Kjo sipas raportimeve në Spanjë të cilat besojnë se sulmuesi me prejardhje nga Gaboni është zëvendësimi adekuat i Luis Suarez, ky i fundit u operua në gju dhe pritet të mos mund të luajë deri në prill, transmeton portali arbresh.info.

Aubameyang ka qenë lojtar i shkëlqyeshëm të “Topçinjtë” duke shënuar 57 gola në 91 ndeshje që prej kohës kur u transferua nga Borussia Dortmund.

Mirëpo, 30-vjeçari pritet të largohet nga “Emirates Stadium”, nëse Arsenal nuk arrin të hyjë në top katër këtë sezon.

Sipas Mundo Deportivo, Barcelona është duke shfaqur interesim, pasi e shohin sulmuesin të duhurin për ta zëvendësuar uruguaianin në “Camp Nou”.

Transferimi i Aubameyang te gjiganti katalunas është shumë i vështirë, sepse “Topçinjtë” nuk janë duke konsideruar mundësinë e shitjes së lojtarit këtë muaj./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm