Teherani do të rishikojë bashkëpunimin e tij me mbikëqyrësin global bërthamor IAEA nëse BE prezanton hapa “të padrejtë” mbi marrëveshjen bërthamore 2015, e cila u braktis për herë të parë nga SHBA, paralajmëroi kryetari i parlamentit të Iranit.

Britania, Franca dhe Gjermania filluan zyrtarisht një proces, duke akuzuar Iranin që nuk respektoi Planin Gjithëpërfshirës të Aksionit të Përbashkët (2015) për programin e tij bërthamor, transmeton portali arbresh.info.

Kryetari i Parlamentit të Iranit, Ali Larijani, e quajti vendimin për të ardhur keq.

“Ne e njoftojmë qartë se nëse Evropa, për ndonjë arsye, përdor në mënyrë të padrejtë nenin 37 të marrëveshjes bërthamore, atëherë Irani do të marrë një vendim serioz në lidhje me bashkëpunimin me Agjencinë [E Energjisë Atomike Ndërkombëtare]”, tha Larijani.

Marrëveshja historike filloi të prishet në vitin 2018, pasi Uashingtoni u tërhoq nga marrëveshja dhe ri-vendosi sanksione gjithëpërfshirëse ndaj Iranit. Presidenti amerikan Donald Trump pretendoi se Teherani kishte shkelur fshehurazi marrëveshjen.

Irani e mohoi këtë, dhe IAEA konfirmoi që Republika Islamike ishte në përputhje me marrëveshjen në raportet e saj në atë kohë. BE, Rusia dhe Kina dënuan SHBA për largimin e marrëveshjes.

Një vit më vonë, Irani filloi gradualisht të zvogëlojë angazhimet e tij nën JCPOA dhe tha se do të kthehej në përmbushje të plotë pasi BE të sigurojë një lloj lehtësimi nga sanksionet e SHBA. Teherani braktisi marrëveshjen plotësisht në 5 janar, dy ditë pasi një sulm me avionë amerikane në Irak vrau komandantin e lartë ushtarak iranian Qassem Soleimani./arbresh.info/