Misioni mbështetës i Kombeve të Bashkuara në Libi (UNSMIL) u ka bërë thirrje të gjitha palëve në vend që të vazhdojnë të respektojnë armëpushimin e shpallur së fundmi, transmeton Anadolu Agency (AA).
“Për hir të civilëve në Tripoli, qindra mijëra që kanë ikur nga shtëpitë e tyre dhe 116 mijë fëmijëve që nuk kanë mundësi të ndjekin arsimin, OKB u bën thirrje palëve të vazhdojnë të respektojnë armëpushimin e deklaruar”, thonë nga UNSMIL në një postim në Twitter.
Lideri i forcave të armatosura jolegjitime në lindje të Libisë, Khalifa Haftar, si dhe Fayez al-Sarraj, kreu i Qeverisë së Pajtimit Kombëtar (GNA) të njohur nga OKB, pranuan thirrjen e përbashkët të presidentit turk Recep Tayyip Erdoğan dhe presidentit rus Vladimir Putin për armëpushim.
Armëpushimi hyri në fuqi në mesnatën e së dielës dhe vendimi u festua me fishekzjarre në Tripoli.
UNSMIL u ka bërë thirrje palëve ndërluftuese “t’u japin mundësi përpjekjeve diplomatike për të arritur një ndërprerje të përhershme të operacioneve ushtarake dhe kthim në procesin politik”.
Sot Haftari u largua nga Rusia pa nënshkruar marrëveshjen e armëpushimit me al-Sarraj, ndërsa raportohet për mbledhjen e forcave të tij për të rifilluar sulmet në Tripoli.
Në muajin prill, Haftari filloi një fushatë ushtarake për të pushtuar Tripolin nga GNA. Sipas të dhënave të OKB-së, mbi 1 mijë persona janë vrarë që nga fillimi i operacionit dhe më shumë se 5 mijë janë plagosur.
Që nga rrëzimi i ish-liderit libian Muammar Gaddafi në vitin 2011, në Libi janë shfaqur dy qeveri, një në lindje të Libisë e mbështetur kryesisht nga Egjipti dhe Emiratet e Bashkuara Arabe, me të cilën është i lidhur edhe gjenerali Haftar, ndërsa një tjetër në Tripoli, e cila gëzon njohjen ndërkombëtare të OKB-së.
Murati dhe Ismaili takuan drejtorin e Departamentit Evropian...
Dasma e vitit, Dafina Zeqiri dhe Kreshnik Gjergji i japin so...
Osmani uron presidentin austriak në Ditën Kombëtare të Austr...
Turqia dënon sulmin e Izraelit ndaj Iranit
A e ka zbuluar Carlo Ancelotti fituesin e Topit të Artë të k...
Paralajmëron OKB: Momenti më i errët i luftës së Gazës po sh...