Dortmund dëshiron që Hakimi të qëndrojë në “Signal Iduna Park”

15:02 | 12 Janar 2020
Arbresh Info

Borussia Dortmund shpreson të kompletojë transferimin e mbrojtësit Achraf Hakimi në verën e ardhshme.

Hakimi i është bashkuar Dortmund në formë huazimi për dy vite nga Real Madrid dhe ka qenë i mrekullueshëm këto dy vite, transmeton portali abrresh.info.

Lidhja e mirë me sulmuesin Jadon Sancho, ka bërë që klubi të dëshirojë të kompletojë transferimin, por nuk dihet nëse do pranohet nga Real Madrid.

Gjiganti spanjoll ka deklaruar se do ta rikthejë Hakimin në fund të sezonit, pasi e sheh si një ndër yjet që do të shkëlqejë në “Santiago Bernabeu” në të ardhmen.

Mirëpo, sipas Ruhr Nachrichten, Dortmund është i gatshëm të pranojë çfarë do vlerë që kërkojnë “Los Blancos”.

Sulmuesi me prejardhje nga Moroko ka shënuar nëntë gola dhe ka kontribuar me 13 asistime në 54 paraqitje në të gjitha garat për gjigantin gjerman.

Shpërndaje në rrjete sociale

Lajmet më të lexuara

Të ngjashme

Foto lajm