Google ADS

Policia e konfirmon arrestimin e njërit nga kërcënuesit të prokurores, Drita Hajdari

22:55 | 11 Janar 2020
A. B.

Pas kërcënimit të prokurores speciale, Drita Hajdarit, Policia e Kosovës  sonte rreth orës 22:00 ka arrestuar një person.

Lajmin për arbresh.info e ka konfirmuar zyrtari i policisë së Kosovës për rajonin e Prishtinës, Baki Kelani.

“Mund të konfirmojmë se e njëjta sot është paraqitur në stacion policor, për ta raportuar një rast, për të cilin është intervistuar. Rasti do të trajtohet nga njësitet relevante policore në bashkëpunim edhe koordinim me prokurorinë kompetente”, ka thënë Kelani.

“Lidhur me rastin në fjalë, pas hetimeve intensive dhe veprimeve policore, është arrestuar një person i dyshuar. Policia e Kosovës në bashkëpunim dhe koordinim me prokurorinë kompetente është duke vazhduar procedurat e mëtejme ligjore”, ka konfirmuar Kelani.

Kujtojmë se prokurorja Hajdari, të shtunën ka njoftuar se është kërcënuar me jetën nga disa persona. Hajdari e kishte paraqitur rastin në Polici. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm