Presidenti amerikan Donald Trump duket se mendon se ai ishte anashkaluar për Nominimin për Çmimin Nobel për Paqen të vitit të kaluar, transmeton portali arbresh.info.

“Unë do t’ju tregoj për Çmimin Nobel për Paqen. Do t’ju tregoj për këtë. Unë bëra një marrëveshje, shpëtova një vend dhe sapo dëgjova që kreu i këtij vendi tani po merr çmimin Nobel për Paqen sepse ka shpëtuar vendin. Thash: “Cfarë a kisha unë të bëja diçka me të?’ Po, por ju e dini, kështu shkojnë këto punë. Për sa kohë që e dimë ajo ka rëndësi. Unë kam kursyer një luftë të madhe, në të vërtetë kam shmangur dy prej tyre”, tha Trump.

Një videoklip i tij duke biseduar me mbështetësit në një ngjarje fushate në Toledo, Ohio, të enjten në mbrëmje u nda në Twitter:

“Oh, they have some bad ones here tonight. There are some really bad ones, some really sick ones.” — Trump’s smears of the assembled media are off the rails pic.twitter.com/TGSxpq9LZv

— Aaron Rupar (@atrupar) January 10, 2020

Edhe pse ai nuk e emëroi fituesin e çmimit Nobel për Paqen ose vendin, është e qartë se zoti Trump po i referohej Kryeministrit të Etiopisë Abiy Ahmed.

Abiy, 43 vjeç, është kreu më i ri i qeverisë në Afrikë.

Ai erdhi në detyrë në prill 2018 pasi disa muaj protesta antiqeveritare e detyruan paraardhësin e tij të jepte dorëheqjen.

Abiy ka prezantuar reforma masive liberalizuese në Etiopi, duke shkundur atë që ishte një komb i kontrolluar fort.

Ai liroi mijëra aktivistë të opozitës nga burgu dhe i lejoi disidentët e mërguar të ktheheshin në shtëpi. Ai gjithashtu ka lejuar që media të operojë lirshëm dhe i emëroi gratë në pozicione të spikatura.

Dhe në tetor të vitit të kaluar, atij iu dha Nobeli për Paqen – kreu i vetëm i shtetit që fitoi çmimin që kur zoti Trump u zgjodh president në 2016.

Komiteti Norvegjez Nobel tha që Z. Abiy ishte nderuar për “iniciativën e tij vendimtare për të zgjidhur konfliktin kufitar me Eritrenë fqinje”./arbresh.info/