Miss Bum Bum” aktuale, braziliania Suzy Cortez, ka vendosur që në mënyrën e vet t’ia urojë datëlindjen mikes së saj, Kim Kardashian. Suzy është zhveshur tërësisht dhe ka pozuar para pasqyrës.

“E dashura Kim, vithet më të bukura në botë ua urojnë datëlindjen vitheve më të famshme në botë”, thuhet në postimin e bukuroshes.

Bashkëshortja e Kanye Westit të hënën ka festuar datëlindjen e saj të 39-të, ndërsa nga dhjetëra mijëra urime që ka marrë, kjo nga Suzy pa dyshim se është më origjinalja.

Suzy është fanse e flaktë e Barcelonës dhe e pëlqen të pozojë në dresin e tyre, ndërsa zeshkania braziliane posaçërisht e adhuron futbollistin më të mirë të kësaj skuadre, Lionel Messi, të cilit shpesh i dedikon postime në rrjetet sociale. Me pamjen e saj superseksi ka arritur t’i joshë të gjithë pa problem, por jo edhe argjentinasin.

Pas një varg postimesh seksi për të, Messi, i cili është në martesë të lumtur dhe ka tre fëmijë, e ka bllokuar në rrjetin social “Instagram”.

Raportohet se bashkëshortja e futbollistit kishte përjetuar një thyerje nervore të vogël, pasi kishte parë se sa mesazhe braziliania ia kishte dërguar burrit të saj. Përderisa në dashuri nuk po i ecën aq mirë, në planin e biznesit gjithçka po shkëlqen për zeshkanen.

Në garën për zgjedhjen e vitheve më të bukura në botë, në garën “Miss Bum-Bum”, Suzy ka fituar vendin e parë në një konkurrencë shumë të fortë. Kjo ishte fitorja e saj e dytë në këtë garë prestigjioze. Herën e parë këtë titull e ka fituar në vitin 2015, çka i ka ndihmuar në ndërtimin e karrierës prej manekines. Sot jeton në Sao Paolo dhe shpesh zbukuron ballinat e revistave të ndryshme.

Përveç Messit, ajo ia ka hedhur syrin edhe një futbollisti tjetër të Barcelonës, Gerard Pique, edhe pse ai është i martuar me këngëtaren Shakira.