Google ADS

Përplasen kokë për kokë makinat në Maliq – 5 të plagosur

16:58 | 30 Dhjetor 2019
Arbresh Info

Pesë persona kanë përfunduar në spital me plagë pasi dy makina janë përplasur kokë më kokë paraditen e sotme në aksion nacional Korçë-Pogradec, në afërsi të Maliqit.

Gazetarja e Panorama, ka siguruar pamjet nga aksidenti që sic duket nga fotot, përplasja ka qenë e fortë.

Policia ka nisur hetimet për zbardhjen e shkaqeve të aksidentit.

Maliq/Informacion paraprak

Më datë 30.12.2019, në aksin rrugor Korçë-Pogradec, në hyrje të Maliqit, janë përplasur mjeti tip “Benz” me drejtuese shtetasen E.B., dhe mjeti tip “Golf” me drejtues shtetasin Gj.M, rreth 26 vjeç.

Për pasojë janë dëmtuar 2 drejtuesit e mjeteve dhe 3 pasagjere, konkretisht shtetaset E.T., D.T., të dyja pasagjere në mjetin tip “Golf” dhe shtetasja L.Sh, pasagjere në mjetin tip “Benz”, të cilët ndodhen në Spitalin e Korçës, nën kujdesin e mjekëve.

Grupi hetimor po punon për të zbardhur rrethanat e ngjarjes dhe për të përcaktuar shkaqet e aksidentit.

Shpërndaje në rrjete sociale

Lajmet më të lexuara

Të ngjashme

Foto lajm