Sot në Gala Mbrëmjen e organizuar nga Oda Ekonomike e Kosovës si ngjarja përfundimtare e saj për vitin 2019, “IMK-Industria Metalike e Kosovës” SH.P.K. ka pranuar çmimin e Eksportuesit të vitit 2019.  Çmim ky i pranuar nga kjo kompani për herën e dytë rresht.

Gjatë kësaj ngjarjeje u potencua rëndësia e madhe e eksportit për ekonominë e Kosovë dhe domosdoshmëria qe te stimulohet eksporti në përgjithësi, raporton arbresh.info.

IMK-Industria Metalike e Kosovë SH.P.K me veprimtarinë e saj si përpunuese e çelikut, me saktësisht  prodhuese e tubave dhe konstruksioneve të çelikut nga viti në vit po konsolidon pozitën e saj në tregjet  e jashtme me saktësisht në ato të Bashkimit Evropian.

Kapacitetet prodhuese, cilësia e produkteve, aplikimi i standardeve ndërkombëtare të proceseve të punës dhe produkteve të prodhuara ka bërë që të ketë kërkesa për produktet e saj nga tri kontinente të botës.

Lëshimi i certifikatave për produktet e prodhuara për konformitetin në raport me ambientin, shëndetin dhe sigurinë (CE marking) është një arritje mëse e rëndësishme qe kjo kompani aplikon nder vite. Aktualisht kjo kompani eksporton produktet e saj ne shtetet me te zhvilluara te botes si Franca Zvicra, Gjermani, etj.

Me rastin e pranimit të çmimit nga Drejtori Gjeneral i kësaj kompanie z.Rrustem Pacolli, përveç falënderimeve të bëra në drejtim të të gjithë atyre që kontribuuan që të arrihet ky sukses, u potencua edhe mungesa dhe rëndësia e madhe për stimulimet e ndryshme që do e lehtësonin dhe do e nxitnin eksportin nga prodhuesit vendorë.

“Investimet mbi 25 milionë euro në këtë kompani të bëra ndër vite kanë filluar të mishërohen me suksesin, gjë që e bën krenar çdo banor të Republikës së Kosovës e aq më shumë neve pronarëve që sakrifikuam dhe investuam çdo gjë që patëm që të arrihet kjo ditë”, tha z.Rrustem Pacolli në diskutimin e tij me media dhe anëtarët e kësaj Ode./arbresh.info/