Valon Berisha do të largohet në janar, Lazio ia cakton çmimin e largimit

09:58 | 13 Dhjetor 2019
Arbresh.info

Valon Berisha nuk po kalon nëpër një moment të mirë te skuadra italiane Lazio.

Mesfushori kosovar iu bashkua klubit italian në verën e vitit 2018 nga RB Salzburg, por pa arritur në asnjë moment të jetë i rëndësishëm në klubin kryeqytetas.

Trajneri Simone Inzaghi nuk e ka në plane reprezentuesin e Kosovës dhe ka kërkuar nga klubi ta nxjerr në shitje.

Drejtori sportiv Igli Tare ka vendosur ta largojë yllin shqiptar dhe tanimë ia ka caktuar edhe çmimin e largimit.

Lazio për ta lënë të lirë Berishën është duke kërkuar nëntë milionë euro.

Deri më tani nuk ka ndonjë ofertë për Berishën, por mediat italiane kanë raportuar se ekziston mundësia që ai të rikthehet në Salzburg. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm