Edinson Cavani i gatshëm për tu larguar nga PSG

10:42 | 11 Dhjetor 2019
Arbresh Info

Sulmuesi i PSG-së, Edinson Cavani do të largohet nga klubi në fund të sezonit si lojtar i lirë me Atletico Madrid të interesuar për shërbimet e tij.

Siç është raportuar nga El Mundo Deportivo këtë javë Atletico kërkoi transferimin e uruguaianit, mirëpo nuk janë të gatshëm të paguajnë 18 milionë euro, transmeton portali arbresh.info.

Ndërsa raportimet e fundit thonë që Cavani pritet të shitet nga PSG pasi kontrata e lojtarit skadon në fund të sezonit dhe klubi po dëshiron të fitojë disa para nga shitja e tij.

Nga ana tjetër edhe uruguaiani dëshiron t’i bashkohet Atletico Madrid, klub i cili po ‘lufton’ për La Liga dhe Ligën e Kampionëve.

Cavani nuk po arrin të luajë në formacionin e parë pasi sulmuesi Mauro Icardi po shihet si i pazëvendësueshëm ngase është në formë të shkëlqyer.

Cavani është transferuar në “Parkun e Princave” në vitin 2013 nga Napoli për 64 milionë euro dhe ka arritur të shënojë 195 gola./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm