Google ADS

Unitedi rivalizon Interin dhe Juventusin, Djajtë kanë gati ofertën për Kulusevskin

09:51 | 5 Dhjetor 2019
Arbresh.info

Manchester Unitedi është klubi i fundit që dëshiron shërbimet e talentit Dejan Kulusevski.

Reprezentuesi suedez është nën pronësi të Atalantas, por i huazuar te Parma, klub me të cilin po shkëlqen në këtë fillim sezoni në Serie A.

19-vjeçari ka shënuar tri gola dhe ka dhuruar pesë asistime në 14 ndeshje duke bërë shumë klube të mëdha italiane të vihen pas tij.

Interi dhe Juventusi ishin dy skuadrat që mendohej se do të garojnë për shërbimet e Kulusveskit, por tani garës i është shtuar edhe një klub anglez.

Sipas mediumit Daily Star, Manchester Unitedi i është bashkuar garës për Kulusevskin.

Ky medium britanik thekson gjithashtu se Djajtë e Kuq janë gati të bëjnë edhe një ofertë prej 21 milionë funte apo rreth 25 milionë euro për lojtarin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm