Trajneri i Interit, Antonio Conte ka thënë se është krenar që klubi i tij është lider në Seria A.

Barazimi i Sassuolos me Juventusin dhe fitorja ndaj Spal, bëri që ta rrëmbejnë kreun e tabelës, transmeton portali arbresh.info

Tekniku italian ka thënë që kanë qenë duke punuar për këtë gjë që nga fillimi i sezonit.

“Kemi qenë duke punuar që nga dita e parë. Të jemi lider pas 14 rundave na bënë krenar, sepse e dimë sa vështirë ishte”

“Në të njëjtën kohë kam fjalë pozitive, sepse na shtynë për tu bërë ende më të mirë”

Conte gjithashtu foli edhe për mundësinë e transferimit të mesfushorit të Barcelonës, Arturo Vidal, të cilin e kishte trajnuar gjatë kohës kur ishte në Juventus.

“Edhe në situata të vështira, me një numër të lojtarëve, kemi arritur mirë. Do të ishte mos respekt të flas për transferimin e lojtarëve. Klubi do të bëjë çfarë të mundet dhe ky është synimi. Isha me fat ta trajnoja Vidal kur erdhi nga Bayer Leverkusen, nuk ishte i njëjti lojtar që është tani. Gjithmonë ka bërë më të mirën”.

Inter është në vendin e parë në tabelë me 37 pikë, një me shumë se Juventus që rënditet në vendin e dytë./arbresh.info