Zbulohet arsyeja pse Sancho ishte rezervë ndaj Barcelonës

16:32 | 28 Nëntor 2019
Arbresh Info

Sulmuesi i Borussia Dortmund, Jadon Sancho ishte rezervë në ndeshjen ndaj Barcelonës mbrëmjen e kaluar.

Dortmund u mposhtë nga Barcelona me rezultat 3 me 1, derisa golin e nderit për skuadrën gjermane e shënoi anglezi në minutën e 77-të, transmeton portali arbresh.info.

Siç raporton gazeta gjermane Bild, trajneri Lucien Fravre e ka lënë në bankinë ish lojtarin e Manchester Cityt për shkak të vonesës në një takim me ekipin.

Sancho pritet të largohet nga gjiganti gjerman në afatin e janarit, me Manchester United tejet të interesuar për shërbimet e tij.

Anglezi u rëndit dje i dyti në çmimin “Djaloshi i Artë”, çmim të cilin e fitoi sulmuesi i Atletico Madrid – Joao Felix./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm