Pezullohet taksa rrugore, FSK-ja do të merret me menaxhimin e ndihmave

14:14 | 27 Nëntor 2019
arbresh.info

Në Ambasadën e Republikës së Shqipërisë në Prishtinë është hapur libri i ngushëllimeve për viktimat nga tërmeti në Shqipëri.

Ambasadori i Shqipërisë në Kosovë, Qemal Minxhozi, deklaroi se Shqipëria ka hequr taksën rrugore për të gjithë ata që dërgojnë ndihma për të prekurit nga tërmeti, por jo edhe për njerëzit e rëndomtë.

Ndër të tjera, ai shtoi se pas tejkalimit të fatkeqësisë Shqipëria do ta rishikoj edhe njëherë vendimin për taksën.

“Për të dakorduar sa më mirë dërgimin e ndihmave në Shqipëri në konsultë edhe me kryeministrin Ramush Haradinaj në orët e paradites është rënë dakord që FSK do të jetë institucioni kryesor që do të merret me menaxhimin e dërgimin e gjithë ndihmave nga Kosova drejt Shqipërisë. Shqipëria ka hequr  taksën rrugore për të gjithë ata që ofrojnë ndihmë, por jo edhe për qytetarët e rëndomtë. Se çfarë do të bëhet pas kësaj tragjedie, mbetet të shihet në vazhdimin me vendimin tjetër për taksën”, u shpreh Minxhozi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm