Numri i emergjencës i Ambasadës së Kosovës në Tiranë

11:21 | 26 Nëntor 2019
Arbresh.info

Shqipëria është goditur nga një seri tërmetesh mëngjesin e sotëm, që rezultoi edhe vdekjeprurës për tetë persona deri më tani.

Vende të ndryshme kanë ofruar ndihmë për zonat e prekura, shkruan arbresh.info, e njëra nga to ishte edhe Kosova e cila ka dërguar ekipet e saja nga FSK-ja dhe Policia.

Ndërkohë ministri i jashtëm, Behgjet Pacolli ka publikuar numrin e Ambasadës së Kosovës në Tiranë që është mobilizuar për të arritur sa më parë tek të lënduarit.

“Dhimbja për jetët e humbura nga fatkeqësia natyrore është e madhe. Beteja jonë është për të shpëtuar të mbijetuarit sa më shpejtë. Ambasada e Republikës së Kosovës në Tiranë sikurse shteti i Kosovës, është e mobilizuar plotësisht në këto rrethana”, shkruan Pacolli.

Ky është Numri I emergjencës 0682415291./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm