Google ADS

Mësohet shkalla e lëndimit, Barella nuk do të luaj këtë vit për Interin

10:36 | 25 Nëntor 2019
Arbresh.info

Nicolo Barella nuk e nisi si titullar aventurën e tij te Interi, por me kalimin e javëve ai bindi trajnerin Conte për një vend në formacion.

Por ndeshja ndaj Torinos nuk ka qenë me fat për reprezentuesin italian, pasi pësoi një lëndim të rëndë.

Pas lëndimit të pësuar, Barella kërkoi menjëherë zëvendësim pasi e dinte se çështja ishte serioze.

Futbollisti italian ka kryer edhe rezonancën magnetike, për të zbuluar shkallën e lëndimit dhe ashtu siç ka njoftuar klubi zikaltër, situata nuk është alarmante dhe se futbollisti do të mungojë përreth katër ose pesë javë.

Kësisoj lojtari nuk do të mund të luaj për këtë vit, ndërsa rikthimi i tij pritet të ndodhë në muajin janar.

22-vjeçari do t’i mungojë Interit në gjashtë ndeshje, katër në kampionat dhe dy në Ligën e Kampionëve.

Rikthimi i tij në fushë pritet të ndodhë më 6 janar kur Interi do të luaj në udhëtim te Napoli. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm