Google ADS

E ndëshkoi me karton të kuq, Ismet Munishi i dërgon mesazh Genc Nuzës

19:41 | 22 Nëntor 2019
Arbresh Info

Ismet Munishi është përjashtuar nga bankina në përballjen e fituar sot (e premte) nga Ballkani kundër Gjilanit.

Trajneri i njohur kosovar u ndëshkua me karton të kuq nga gjyqtari kryesor i ndeshjes Genc Nuza gjatë minutës së 85′ të lojës, shkruan portali arbresh.info.

Takimi i zhvilluar në kuadër të xhiros së 16-të në Superligë të Kosovës përfundoi me rezultat 2 me 1 në favor të Ballkanit, i cili mori kreun e tabelës i vetëm me tri pikë më shumë se Gjilani.

Baftiu dhe Topalli realizuan për skuadrën nën udhëheqjen e Munishit, ndërsa për mysafirët portën e gjeti Progani.

Ismet Munichi me anë të një postimi në llogarinë e tij në rrjetin social ka thurur lavde për Nucën duke shtuar se “është kënaqësi e veçantë me pa duke referu”.

“Referi më i mirë në Kosovë – Genc Nuza. Nëse ai e ka pa të arsyeshme atëherë plotësisht e kam meritu të largohem. Është kënaqësi e veçantë me pa duke referu”, ka shkruar Munishi në formë befasuese në llogarinë e tij në Facebook./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm