Trajneri Brendan Rodgers ka thënë se Leicester City nuk do të shesë asnjë nga lojtarët e tyre kryesorë në afatin kalimtar të janarit.
Pas pushimit ndërkombëtar, Dhelprat fillojnë fazën tjetër të sezonit në vendin e dytë pas një forme të madhe, duke përfshirë katër fitore nga katër ndeshjet e fundit të Ligës Premier.
Lojtarë të tillë si James Maddison, Youri Tielemans dhe Ben Chilwell kanë tërhequr interesim të madh tek skuadrat me shfaqjet e tyre.
Por, Rodgers ka thënë se ekipi i tij do t’i mbajë yjet dhe nuk do ta lëshoj asnjë në janar.
“Ne duam të rritemi dhe ka shumë zhvillim në këtë skuadër. Ne nuk kemi asnjë plan për të humbur askënd në janar”, ka thënë fillimisht Rodgers për Telegraph.
“Detyra jonë është të ruajmë atë që kemi dhe nëse ka një mundësi për të përmirësuar skuadrën, ne do të kërkojmë ta bëjmë atë”.
“Nëse jo, ne do të vazhdojmë me skuadrën që kemi, e cila është shumë e fortë”, përfundoi trajneri i Leicesterit. /Telegrafi/
“Kajta pak qetash”, Burimi, Vullnetit: Tash e pash kush më d...
Kelmendi diskuton me kryeprokurorët për trajtimin e rasteve ...
Rio de Janeiro, qyteti bregdetar i Brazilit me famë botërore
Arrestohet 56 vjeçari në Kaçanik, ishte i kërkuar për veprën...
Gjermanët paralajmërojnë tifozët: Kujdes në Beograd, droga d...
Koalicionit AAK-Nisma i bashkohet ‘Lista Ideali’
Skip to content
