Barcelona ka bërë Lautaro Martinezin dhe Erling Braut Haalandin objektivat e tyre kryesorë të transferimit të verës, pasi klubi nga Camp Nou kërkon një pasues të Luis Suarezit.

Në moshën 32 vjeç, Suarez po i afrohet fundit të karrierës së tij dhe Blaugranët janë të prirur të sigurojnë një zëvendësim afatgjatë gjatë verës së vitit 2020.

Sipas mediumit të njohur Goal, Lautaro i Interit dhe Haaland i RB Salzburg kanë dalë si objektivat e tyre kryesorë, me të dy që po shijojnë një super fillim sezoni.

Pasi u promovua në 11-shen titullare pas largimit të Mauro Icardit, Lautaro ka qenë në formë të shkëlqyer për Interin, duke shënuar tetë gola dhe duke siguruar tre asistime në 16 ndeshje në të gjitha garat.Paraqitjet e tilla kanë çuar në hapjen e bisedimeve të Interit me agjentin e sulmuesit në lidhje me rinovimin e një kontrate pavarësisht se marrëveshja e tij aktuale zgjat deri në vitin 2023.

Kuptohet që Nerazzurret kanë shumë dëshirë të fusin një klauzolë lirimi prej 200 milionë eurosh në kontratën e re, në përpjekje për të zhdukur klubet e interesuara për 22-vjeçarin.

Drejtori sportiv i Barcelonës, Eric Abidal, kohëve të fundit foli për admirimin e tij ndaj Lautaros, i cili ka të ngjarë të kushtojë rreth 100 milionë euro nëse ai do të nënshkruhej në fund të këtij sezoni.

Haaland, ndërkohë, ka bërë bujë të madhe në futbollin evropian këtë sezon, duke shënuar 26 gola në 18 paraqitje – përfshirë shtatë gola në katër ndeshje të Ligës së Kampionëve si dhe gjashtë asistime për kampionët austriakë.

19-vjeçari ka qenë i lidhur me një numër të klubeve më të mira të Evropës, me Manchester Unitedin që shpreson ta rrëmbej në janar para se ta dërgonte përsëri në Salzburg në huazim për pjesën e mbetur të sezonit.

Juventusi, Real Madridi dhe RB Leipzig kanë shprehur gjithashtu interesim për adoleshentin, i cili gjithashtu do të kushtojë rreth 100 milionë euro.

Barca ka shpresë të paguajë më pak për pasardhësin e Suarezit, por besojnë se Lautaro ose Haaland kanë të ngjarë të ofrojnë opsionet më të mira për zëvendësimin e legjendës së Uruguait.

Kontakt fillestar është bërë me të dy klubet në lidhje me disponueshmërinë e mundshme të sulmuesve, megjithëse nuk janë bërë oferta zyrtare. /Telegrafi/