Konfirmohet prezenca e legjendës Francesco Totti në përurimin e stadiumit “Air Albania”

13:53 | 16 Nëntor 2019
Arbresh Info

Në mesin e shumë figurave të rëndësishme në përurimin e stadiumit të ri shqiptar “Air Albania” është edhe legjenda Francesco Totti.

17 nëntori do të jetë një datë që do të mbahet mend për shkak se stadiumi i ri “Air Albania” hap dyert për herë të parë teksa një ceremoni e jashtëzakonshme është përgatitur për shkak të kësaj, shkruan portali arbresh.info.

Ardit Gjebrea do të jetë drejtues i kësaj ceremonie ku do të përformojnë emra të mëdhenj të industrisë shqiptare si Era Istrefi, Flori Mumajesi e Aurele Gaçe.

Shqipëria është nikoqire e Francës nesër për të zhvilluar ndeshjen e Grupit G në kuadër të kualifikimeve.

I pranishëm në tribuna do të jetë edhe legjenda e AS Romas dhe futbollit italian – Francesco Totti.

Ndeshja e nesërme mes dy skuadrave do të zhvillohet duke filluar nga ora 20:45 dhe portali arbresh.info do t’iu mbaj të informuar në kohë reale për çdo zhvillim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm