Kryetari i Federatës së Futbollit të Kosovës Agim Ademi, në një lidhje direkte në emisionin Info Magazine në Klan Kosova ka folur lidhur me problemet që ka pasur sot sistemi elektronik i blerjes së biletave.
Ademi tha se nuk ka pasur ndonjë problem, por rregullat e blerjes janë të tilla.
“Nuk e kam ndonjë njoftim. Nuk ka qenë ndonjë problem i madh. Sistemi është ashtu i realizuar. Janë tri faza të blerjes së biletës. P.sh., dikush mund të klikojë mbi tri karrika, ndodhë se janë të zëna. Nëse blerësi është nga Amerika atëherë i duhen 48 orë që të dhënat të kthehen në sistem, nëse është nga Evropa më pak. Faza e tretë është pranimi i të dhënave me kartelat bankare. Nëse pranohen të dhënat ju keni blerë një biletë”.
Kreu i FFK-së theksoi se nuk mendon se duhet ndonjë pëmirësim në sistem.
Zgjidhjen e problemit ai e sheh tek zgjerimi i hapësirave të stadiumit.
“Ky është sistem shumë efikas që përdoret në të gjithë botën. Këtë sistem e kemi marrë si dhuratë nga UEFA. Ndoshta zgjidhja e problemit mund të bëhet me zgjerimin e hapësirave. Këtu duhet të kemi parasysh edhe ndarjen e biletave. 1 mijë bileta për Dardanët, mysafirët i kanë marrë poashtu 1 mijë bileta “.
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...