Vedat Muriqi nuk luan kundër Çekisë dhe Anglisë

13:23 | 12 Nëntor 2019
Arbresh Info

Vedat Muriqi nuk do të jetë i gatshëm për dy ndeshjet e ardhshme të Kosovës.

Sipas raporteve të fundit, njëri nga sulmuesit më në formë në Evropë nuk do të jetë i gatshëm për ndeshjen e Kosovës kundër Republikës Çeke dhe atë tri ditë më vonë kundër Anglisë, shkruan portali arbresh.info.

Indeksonline raporton se problemi i tij me nyjë të këmbës, të pësuar gjatë detyrës me gjigantin turk Fenerbahce, është përkeqësuar dhe lojtari nuk do të jetë në gjendje të luaj.

Kjo do të jetë një goditje e madhe për përfaqësuesen tonë marrë parasysh rëndësinë e madhe të dy ndeshjeve të ardhshme në kuadër të kualifikimeve për Euro 2020.

Bernard Challandes mund të detyrohet të bëjë ndryshime të papritura në linjën frontale për të mbuluar mungesën e tij.

Sidoqoftë, ende nuk ka asgjë zyrtare apo ndonjë njoftim nga FFK rreth disponueshmërisë së lojtarit.

Kosova luan të enjten ndaj Republikës së Çekisë dhe të dielën në “Fadil Vokrri” kundër Anglisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm