ORCA: Stafi akademik i Universiteteve në Kosovë marrin paga shumë herë më të mëdha se ata të rajonit

11:30 | 12 Nëntor 2019
Arbresh.info

Organizata për Rritjen e Cilësisë në Arsim (ORCA), sot ka publikuar raportin “Borgjezia e Akademisë”, për të ardhurat e stafit akademik menaxherial në universitetet publike të Kosovës.

Drejtori i kësaj organizate, Rron Gjinovci ka thënë se stafi akademik në Kosovë marrin paga më të mëdha sesa ata në rajon, raporton arbresh.info.

“Stafi akademik i Universiteteve Publike në Kosovë paguhet shumë herë më shumë se stafi akademik i Universiteteve Publike në vendet e rajonit”, ka thënë ai.

Gjinovci ka shtuar se në Kosovë profesorët marrin mbi 1 mijë euro.

“Në Shqipëri paguhet me 600 euro një ligjërues e 100 mijë euro për profesor, Maqedoni 400 euro paguhet një ligjërues ndërsa 600 euro një profesor e në Kosovë një asistent paguhet 772 euro ndërsa profesori i rregullt mbi 1 mijë euro”, ka thënë ai.

Ndërsa sipas hulumtimit të ORCA-së, studentët shpenzojnë deri 150 euro në muaj.

“Studentët shpenzojnë mesatarisht 150 euro për të jetuar në Prishtinë gjatë kohës kur ata studiojnë”, ka thënë ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm