Google ADS

Jep dorëheqje kreu i Ciudadanos pas humbjes në zgjedhje

18:27 | 11 Nëntor 2019
Arbresh.info

Drejtuesi i Partisë liberale Ciudadanos, Albert Rivera, njoftoi sot dorëheqjen e tij pas humbjes së thellë të formacionit të tij në zgjedhjet legjislative në Spanjë duke kaluar nga 57 deputetë në prill në vetëm 10 deputetë.

Rivera ka njoftuar gjithashtu dorëheqjen edhe nga posti i deputetit.

“Dëshiroj t’i marr vetë të gjitha përgjegjësitë e kësaj humbjeje”, theksoi ai në një deklaratë në selinë e partisë së tij.

Pas zgjedhjeve të përgjithshme të Spanjës doli se Partia Socialiste e Punëtorëve (PSOE) në pushtet është ende partia më e votuar, por me një shumicë mjaft të vogël për të qeverisur, ndërsa populistët e së djathtës ekstreme Vox kanë forcuar dukshëm pozicionin e tyre.

Të dielën u zhvilluan votimet e katërta kombëtare në katër vitet e fundit, ku politika është përmirësuar dukshëm nga krijimi i partive të reja dhe nga një krizë e shkaktuar nga separatistët në rajonin verilindor të Katalonjës./atsh/

Shpërndaje në rrjete sociale

Lajmet më të lexuara

Të ngjashme

Foto lajm