Ronaldo u largua nga stadiumi pa përfunduar ndeshja

23:57 | 10 Nëntor 2019
Arbresh Info

Cristiano Ronaldo nuk dukej aspak i kënaqur me zëvendësimin që i bëri Maurizzio Sarri në ndeshjen kundër Milanit.

Trajneri e largoi superyllin portugez nga loja në minutën e 55-të, gjë që nuk kishte ndodhur më herët në Serie A (por u zëvendësua edhe në Ligën e Kampionëve), ndërsa reagimi i tij u kap qartë nga kamerat.

34-vjeçari shihej se ishte i irrituar dhe u nis drejt tunelit duke mos u ndalur te bashkëlojtarët e tij në bankën rezervë.

Sky Sport Italia raporton se portugezi është larguar nga stadiumi madje akoma pa përfunduar ndeshja, saktësisht tri minuta para fishkëllimës së fundit të gjyqtarit.

Ai ka pasur mundësinë që ta shihte së paku golin e fitores, të cilin e shënoi pikërisht njeriu që e zëvendësoi atë – Paulo Dybala. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm