Kryesuesi Hyseni takon Drejtorin e OPDAT-it për Evropën Juglindore

09:50 | 8 Nëntor 2019
A. B.

Qëllimi i këtij takimi ishte bashkëpunimi i sistemit prokurorial me OPDAT-in dhe fushat në të cilat duhet të përqendrohen bashkërisht këto institucione në të ardhmen.

Me këtë rast, Kryesuesi Hyseni dhe Zëvendëskryeprokurorja Morina kanë falënderuar Drejtorin Vaky për ndihmën e OPDAT-it dhënë sistemit prokurorial të Kosovës, duke shprehur nevojën e mëtutjeshme për ofrimin e ndihmës në fushën e trajnimeve dhe zhvillimit profesional të prokurorëve kosovarë.

Në anën tjetër, lidhur me vazhdimin e mbështetjes për sistemin prokurorial ka folur edhe Drejtori Vaky, duke thënë se do të vazhdohet koordinimi për ndihmën e mëtutjeshme në fushat dhe segmentet e nevojshme.

Të dy bashkëbiseduesit u fokusuan në tema konkrete të interesit të përbashkët që në të ardhmen pritet të jenë aktivitete në mes të sistemit prokurorial të Kosovës dhe OPDAT-it, me qëllim të ndihmës dhe zhvillimit profesional të prokurorëve të Kosovës.​ /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm