Bie dritarja nga nëntë metra lartësi, miqtë që po pinin kafe në tarracën e lokalit i shpëtojnë për pak centimetra vdekjes

23:52 | 7 Nëntor 2019
Arbresh.info

Dy miq që po pinin kafe në një lokal të Starbucks i kanë shpëtuar për pak centimetra vdekjes, kur një dritare ra nga 9 metra lartësi dhe përfundoi mbi tavolinën ku ata po qëndronin.

Qian dhe miku i tij po qëndronin të ulur në tarracën e lokalit në Shanghai, kur ndodhi aksidenti, transmeton Telegrafi.

Për fat të mirë asnjëri prej tyre nuk është lënduar, ndërsa Qian që ishte frikësuar shumë planifikon të padis pronarët e lokalit si dhe ata të qendrës tregtare nga e cila ra dritarja.

Kamerat e sigurisë kanë filmuar momentin kur Qian dhe miku i tij po qëndronin të ulur dhe dukej se po shijonin kafenë, kur një dritare u shkëput nga korniza e saj dhe ra me shpejtësi të madhe mbi tavolinën e tyre.

Fatmirësisht ata kishin dëgjuar më herët zhurmën dhe kishin reaguar me kohë, duke u ngritur në këmbë dhe larguar për pak centimetra që sigurisht se mos ta ndërmerrnin këtë veprim pasojat do të ishin fatale.

Shpërndaje në rrjete sociale

Lajmet më të lexuara

Të ngjashme

Foto lajm