Man United në fazën tjetër pas fitores së thellë ndaj Partizan Beogard

22:51 | 7 Nëntor 2019
Arbresh Info

Manchester United ka siguruar kualifikimin në fazën tjetër me fitoren e thellë ndaj Partizan Beogradit mbrëmjen e sotme (e enjte).

“Djajtë e Kuq” janë në xhiron e 1/16-ës në Evropa Ligë me tri pikët e siguruara pas fitores së thellë 3 me 0 në Old Trafford në Manchester në takimin e zhvilluar në kuadër të xhiros së katërt në Grupin L në Evropa Ligë, shkruan portali arbresh.info.

Mason Greenwood dhe Anthony Martial shënuan gjatë pjesës së parë duke dërguar në pushime me një avantazh prej dy golave skuadrën e Ole Gunnar Solskjaerit.

Goli i tretë u realizua në minutën e 49′ nga Marcus Rashford pas një goditje spektakolare.

Skuadra serbe ishte e dobët në Angli duke krijuar vetëm dy raste dhe duke gjuajtur në portën po aq herë.

United është lider i Grupit L me dhjetë pikë – dy më shumë se AZ Alkmaar në pozitën e dytë, ndërsa Partizan Beogradi qëndron në pozitën e tretë me katër pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm