Google ADS

Kapet 36 vjeçari nga Kosova pak pasi plaçkiti një bankë në Zvicër

18:48 | 7 Nëntor 2019
Arbresh.info

Një 36 vjeçar nga Kosova ka plaçkitur të mërkurën një bankë në qytetin Adliswil të Kantonit të Cyrihut.

Ai u kap nga policia pak pasi iku nga vendi i ngjarjes.

Ngjarja ndodhi të mërkurën pak para orës 15:30, ku një burrë i panjohur kishte hyrë në filialin e bankës dhe kishte kërcënuar punonjësit e bankës duke ua drejtuar armën drejt tyre dhe duke kërkuar t`ia dorëzonin paratë, njofton Blick.ch.

Sipas njoftimit kosovari pasi doli nga banka, në vendngjarje arriti policia.

Ata ndoqën plaçkitësin duke vrapuar pas tij, duke mundur edhe ta arrestonin.

Aksioni policor u zhvillua nga Policia Kantonale e Cyrihut në bashkëpunim edhe me policitë komunale të Adliswil-Langnau dhe Kilchberg.

Pas marrjes në pyetje nga policia, ai i është dorëzuar prokurorisë përgjegjëse.

Shpërndaje në rrjete sociale

Lajmet më të lexuara

Të ngjashme

Foto lajm