Google ADS

PSG në fazën tjetër të LK-së, Reali e Tottenhami me fitore të thella

23:01 | 6 Nëntor 2019
Arbresh Info

Real Madridi ka regjistruar një fitore mjaftë të rëndësishme mbrëmjen e sotme (e mërkurë) në Bernabeu.

‘Los Blancos’ kanë mposhtur me rezultat tronditës 6 me 0 skuadrën turke Galatasaray në takimin e zhvilluar në Madrid në kuadër të xhiros së katërt të fazës së grupeve në Ligë të Kampionëve, shkruan portali arbresh.info.

Rodrygo shkëlqeu duke shënuar hat-trick, Karim Benzema realizoi dy gola ndërsa kapiteni Sergio Ramos shënoi nga pika e bardhë.

PSG me një fitore minimale ka siguruar kualifikimin në fazën tjetër të Ligës së Kampionëve.

Kampioni i Francës mposhti me rezultat 1 me 0 skuadrën Clubb Brugge në takimin e zhvilluar në Parc des Princes.

Tottenhami nga ana tjetër mposhti thellë 4 me 0 skuadrën serbe Crvena Zvezda në takimin e zhvilluar në Beograd të Serbisë.

Atalanta dhe Manchester City ndanë pikët duke barazuar me rezultat 1 me 1, ndërsa Leverkuseni befasoi Atleticon e Simeones duke fituar 2 me 1./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm