E freskët nga kënga e saj fituese e Oskarit në dramën muzikore “A Star is Born”, këngëtarja e kthyer në aktore Lady Gaga, raportohet se është regjistruar në një film tjetër artistik.
Sipas tabloideve të huaja, krijuesja e hitit “Born This Way” – emri i vërtetë i së cilës është Stefani Germanotta – po përgatitet të bashkohet me Ridley Scott për projektin e tij të ardhshëm.
Scott, i cili drejtoi projektet e mëdha, përfshirë “Alien”, “Blade Runner” dhe “Gladiator”, është vendosur të sjellë në ekranin e madh vrasjen e Maurizio Gucci-t, ish-kreut të shtëpisë së modës Gucci.
Skenari i filmit bazohet në librin “The House of Gucci: A Sensational Story of Murder, Madness, Glamour, and Greed” ( Shtëpia e Gucci-t: Një histori sensacionale e vrasjes, çmendurisë, magjepsjes dhe lakmisë nga Sara Gay Forden). Maurizio Gucci, nipi i themeluesit të kompanisë Guccio Gucci, ishte kreu i shtëpisë italiane të modës para se të vritej në zyrën e tij në vitin 1995.
Gaga, e cila është italo-amerikane, do të luajë ish-gruan e Gucci-t, Patrizia Reggiani, e cila u shpall fajtore për urdhërimin e vdekjes së tij.
Në vitin 2015, ylli amerikan tregoi aftësinë e saj të aktrimit në sezonin e pestë të serialit të Ryan Murphy “American Horror Story: Hotel”. Një nga artistët më të shitur në historinë muzikore, 2019 ka qenë ndoshta viti më i suksesshëm i karrierës së Gagas deri më tani falë kthesës së saj përballë Bradley Cooper në “A Star Is Born”.
Scott së fundmi drejtoi trailerin e krimit “All The Money In The World”, ku interpretojnë Christopher Plummer, Michelle Williams dhe Mark Wahlberg. Ky film portretizoi rrëmbimin e nipit të J. Paul Getty. /Telegrafi/
Begaj viziton arbëreshët e Italisë: Do të mbetet një kujtim ...
Ancelotti tregon haptas se a do të bëjë Real Madridi ndonjë ...
“Trepça” dërgon padi ndaj një ish-punëtori, thot...
Vrasja e kreut të Hamasit, reagon Hezbollahu: Do ta përshkal...
Ursula von der Leyen javën tjetër në Kosovë
Mucunski-Drexel: Maqedonia e Veriut është e përkushtuar në p...