Domatet janë një ndër perimet më popullore në planet. Prandaj nuk është e vështirë t’i siguroni vetës një gotë lëng domatesh, sidomos pasi të mësoni se çfarë mund të bëjë ai për mirëqenien dhe shëndetin tuaj

Ndihmon shëndetin e zorrës së trashë

Likopeni, një substancë që lufton kancerin e gjendur tek domatet, sipas autoriteteve, ndihmon në zvogëlimin e riskut të kancerit të zorrës së trashë.

I bën mirë prostatës

Likopeni parandalon kancerin e prostatës. Kështu që meshkujt mund të përfitojnë jashtëzakonisht shumë duke pirë lëng domatesh rregullisht, pasi është një burim i mrekullueshëm likopeni.

Likopeni gjithashtu parandalon kancerin e pankreasit

Sipas një studimi, meshkujt që konsumojnë sasi të mëdha likopeni, shfaqin një risk 30% më të ulët për t’u prekur nga kanceri i pankreasit. Ekspertët thonë se domatet janë shumë të pasura me beta karoten, shumë efektiv kundra kancerit të pankreasit.

Lëngu i domateve promovon tretjen

Falë sasive të larta të fibrave të gjendura tek lëngu i domateve, duke pirë rregullisht këtë pije, do të keni një sistem tretës më të shëndetshëm duke parandaluar kapsllëkun. Lëngu i domateve gjithashtu ka veti antiseptike natyrale. Për këtë arsye, lëngu i domateve ndihmon për të luftuar diarrenë dhe infeksione të tjera të aparatit tretës.

Ndihmon në uljen e kolesterolit

Nëse vuani nga kolesteroli i lartë, është një ide e mirë të përfshini lëngun e domateve në dietën tuaj. Fibrat e gjendura në këtë pije funksionojnë si një ‘fshesë’ që pastron kolesterolin. Lëngu i domateve është gjithashtu i pasur me niacin, një mineral që ul natyrshëm kolesterolin.

Zvogëlon rrezikun e mpiksjes së gjakut

Mpiksja e gjakut është diçka pozitive në rastet e plagosjeve të vogla sepse parandalon gjakrrjedhjen. Por është ndryshe kur ajo ndodh në brendësi të trupit tonë sepse mund të pengojë qarkullimin e gjakut në organe vitale si mushkëritë, truri dhe zemra. Pirja e lëngut të domateve rregullisht, është shumë pozitive për diabetikët të cilët janë shumë të riskuar nga mpiksja e gjakut.

Lëngu i domateve ndihmon në reduktimin e riskut të sëmundjeve të zemrës

Fibrat e gjendura me bollëk tek lëngu i domateve ndihmojnë në reduktimin e shanseve për t’u prekur nga sëmundjet e zemrës. Përveç fibrave të cilat ulin kolesterolin në këtë lëng gjenden edhe përbërës të tjerë të mirë për zemrën si kaliumi, niacin, folatet dhe vitamina B6.

Lëngu i domateve është i mirë për kockat

Kalciumi nuk është i vetmi nutrient i nevojshëm për kocka të shëndetshme dhe të forta. Ju nevojitet gjithashtu vitaminë K, e domosdoshme për përthithjen e kalciumit nga kockat. Gjejeni çfarë? Domatja është shumë e pasur me vitaminë K.

I bën shumë mirë lëkurës

Për shkak se antioksidantët e gjetur tek lëngu i domates luftojnë radikalet e lira, kjo pije e bën lëkurën të duket fantastike. Ai ndihmon në zbehjen e shenjave të moshës. Lëngu i domateve është perfekt për njerëzit me akne sipas studimeve, për shkak të vetive anti-inflamatore.

Lufton inflamacionin

Inflamacioni është një gjendje e lidhur me disa lloje sëmundjesh. Disa prej tyre përfshijnë diabetin, osteoporozën, artritin, obezitetin, sëmundjet e zemrës dhe kancerin. Pirja e lëngut të domateve ndihmon për të mbajtur inflamacionin nën kontroll sipas disa investigimeve mjekësore.

Kështu, sipas Living, do ta përgatisni vetë lëngun e freskët të domateve në shtëpi:

Përbërësit:

⦁ 1 kg domate (të pjekura, të prera)
⦁ 1 ¼ kërcelli selinoje me gjithë gjethet (i prerë)
⦁ 1/3 kupe qepë të grira
⦁ 2 lugë gjelle sheqer
⦁ 1 lugë çaji kripë

Përgatitja:

– Në një tenxhere çeliku, kombinoni gjithë përbërësit.
– Vendosini në zjarr dhe prisni të ziejnë për rreth 25 minuta. Mos e mbuloni enën.
– Kullojeni lëngun me një sitë.
– Lëreni të ftohet. Futeni në një enë që mbyllet hermetikisht dhe ruajeni në frigorifer.

Kujdes: Likopeni është një substancë që bëhet aktive përmes nxehjes. Pra që të përfitoni sa më shumë prej vlerave të lëngut të domateve, duhet t’i gatuani ato.