Google ADS

Po transportonin shtetas sirianë, arrestohen dy 21-vjeçarë në Kukës

13:34 | 2 Nëntor 2019
Arbresh.info

Dy 21-vjeçarë ranë në pranga nga policia e Kukësit teksa po transportonin 5 shtetas sirianë, të cilët nuk dispononin dokumente identifikimi.

Bëhet fjalë për H.Ç., banues në Tiranë dhe A.M., banues në Krumës, Has, arrestimi i të cilëve u bë pasi u kapën në flagrancë nga shërbimet e Policisë në vendin e quajtur “Ura e Drinit të Zi” Kukës.

Shtetasit H.Ç dhe A.M, kundrejt fitimit do t’i ndihmonin shtetasit sirianë që të kalonin kufirin në drejtim të Kosovës në mënyrë të paligjshme, me destinacion final një nga vendet e BE-së.

Materialet i kaluan për veprime të mëtejshme Prokurorisë së Rrethit Gjyqësor Kukës, për veprën penale “Ndihma për kalim të paligjshëm të kufijve”./tch

Shpërndaje në rrjete sociale

Lajmet më të lexuara

Të ngjashme

Foto lajm