Arsyeja e pse Palmer nuk e takoi sot Albin Kurtin

16:00 | 1 Nëntor 2019
arbresh.info

I ngarkuari i posaçëm i Shteteve të Bashkuara të Amerikës për Ballkanin Perëndimor, Matthew Palmer, ka treguar se pse sot nuk ka takuar kryeministrin në ardhje, Albin Kurti.

“Ai nuk është këtu, por jam takuar me atë para dy dite në Shkup. Kemi qëndruar bashkë gjatë dhe kemi raporte të shkëlqyera së bashku”, është shprehur Palmer, shkruan arbresh.info.

Ai ka shprehur mbështetjen për Kurtin në temat e rëndësishme që e presin Kosovën, veçanërisht në dialogun ndërmjet Kosovës dhe Serbisë.

“Pritjet e mia për zotri Kurtin janë që të jetë partner i mirë për ShBA-të. Se ai ta kuptoj që dialogu me Serbinë është i mirë”, deklaroi Palmer.

Palmer ka takuar sot presidentin Hashim Thaçi, liderin e LDK-së, Isa Mustafa, dhe nënkryetaren e kësaj partie, Vjosa Osmani./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm