Mesfushori i Arsenalit, Granit Xhaka nuk do të përballet me ndonjë gjobë apo ndonjë masë disiplinor nga klubi edhe pse i ofendoi rëndë tifozët derisa po largohej për zëvendësim gjatë barazimit 2 me 2 të së dielës kundër Crystal Palaces.
Reprezentuesi i Zvicrës mund të humbas shiritin e kapitenit për vendosjen e dorës në vesh dhe reagimin e ashpër ndaj fishkëllimave të tifozëve nikoqir derisa po largohej nga fusha, transmeton portali arbresh.info.
Xhaka ishte i zemëruar me zëvendësimin pas një ore lojë dhe kjo është hera e tretë këtë sezon që ish ylli i Borussia Monchengladbach është përballur me fishkëllima nga tifozët e Arsenalit.
Unai Emery ka konfirmuar të martën se Xhaka nuk do të luaj në ndeshjen e “Topçinjve” kundër Liverpoolit në Anfield sonte (e mërkurë) dhe klubi raportohet se i ka ofruar këshillim kosovarit për tu përballur me incidentin.
Por, edhe pse klubi është i frustruar me veprimet e Xhakës, The Sun raporton se ata kanë vendosur kundër masave disiplinore ndaj tij.
Pas vëzhgimit të Xhakës gjatë 48 orëve të fundit, klubi beson se Xhaka tashmë e ka ndëshkuar vetën dhe pendohet për incidentin.
Xhaka ende nuk u ka kërkuar falje tifozëve por klubi është i shqetësuar për gjendjen e brishtë mendore të mesfushorit./arbresh.info/
Nis konferenca për demaskimin e korrupsionit organizuar nga ...
Ripërsërit Vuçiq: Nuk do të heqim dorë kurrë nga Kosova
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...
Sulmet turke raportohet se kanë vrarë 27 civilë në Siri