Ismet Munishi i del në mbrojtje Granit Xhakës, ka një mesazh për të

15:09 | 29 Tetor 2019
Arbresh Info

Ismet Munishi është njëri nga figurat e rëndësishme në futboll që i ka dërguar mesazh mesfushorit Granit Xhaka.

Kapiteni i “Topçinjve” është nën një presion të madh pas fyerjes ndaj tifozëve të klubit, hedhjes në fushë të shiritit të kapiteni dhe heqjes së fanellës gjatë rrugës së tij për në tunel në ndeshjen e së dielës ndaj Crystal Palaces ku u fishkëllye emri i tij, shkruan portali arbresh.info.

Derisa një numër i madh kritikave nga legjendat e klubit dhe analistë të njohur fajësojnë 27-vjeçarin për sjelljen e tij, Munishi i ka dal haptas në mbrojtje atij.

“10 milionë i ki mbrapa. Mos u merr me 200 tifozë që shpesh kanë bo gjeste të tilla. Krenohemi me ty, rri i fortë Granit”, ka shkruar trajneri kosovar në llogarinë e tij në rrjetin social Facebook.

Në mbrojtja të Xhakës kujtojmë se së fundmi ka reaguar edhe Federata e Futbollit të Zvicrës duke insistuar se mesfushori do të vazhdojë të mbetet kapiten i tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm