Google ADS

Ronaldo: Kot të kesh talent, nëse nuk punon

11:19 | 29 Tetor 2019
Arbresh.info

Cristiano Ronaldo në një intervistë për France Football ka thënë se ai është duke punuar shumë që të qëndrojë në formë në moshën 34-vjeçare.

Ylli portugez ka deklaruar se nëse në futboll nuk punoni, atëherë talenti është i kotë, derisa ka bërë të ditur se për të nuk ka pushim asnjëherë.

“Qëllimi është që të qëndrojë i ri në kohën kur po plakem në mënyrë që të qëndroj në garë”, ka thënë Ronaldo.

Cristiano Ronaldo dhe Lionel Messi (Foto: Getty Images/Goal.com)

“Sa lojtarë e gjejnë vetën ku jam unë sot, në një skuadër si Juventusi? Në moshën 19-20 vjeçare ka kuptuar se futbolli ka të bëjë me numrat, trofetë, rekordet dhe golat”.

“Talenti është mbi të gjitha në futboll, por nëse ju nuk punoni, atëherë talenti është i kotë. Asgjë nuk vjen nga qielli, Asnjëherë nuk do të arrija këtu nëse nuk do të punoja shumë”, ka shtuar më tej ylli i Juventusit.

Portugezi ka bërë të ditur në shumë intervista se rivaliteti me Lionel Messin e ka përmirësuar atë dukshëm, por edhe që është një konkurrencë e mirë për të dy. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm