I dërguari i posaçëm i Departamentit amerikan të Shtetit për Ballkanin, Matthew Palmer, qëndron sot në Shkup.
Palmer do të pritet nga ministri i Jashtëm i Maqedonisë së Veriut, Nikolla Dimitrov.
Në një njoftim për media nga Ministria e Jashtme e këtij vendi thuhet se Palmer dhe Dimitrov pritet të diskutojnë zhvillimin e përgjithshëm të marrëdhënieve dypalëshe midis Republikës së Maqedonisë së Veriut dhe Shteteve të Bashkuara, si dhe mbështetjen e SHBA-së për integrimin euro-atlantik të Maqedonisë së Veriut.
Këtë muaj, Bashkimi Evropian ka dështuar të marrë vendim për hapjen e negociatave të anëtarësimit me Shkupin dhe Tiranën.
Palmer, në një seancë të Kongresit amerikan javën e kaluar, ka thënë se është “zhgënjyer thellësisht” nga ky qëndrim i BE-së.
Sipas tij, mosveprimi i Këshillit Evropian e shkurajon gatishmërinë e liderëve të Ballkanit për të zbatuar reforma./rel
O’Brien: Themelimi i Asociacionit, hap i rëndësishëm
Hoti: Nga janari 2025, tatimi në pronë rritet deri në trefis...
Ambasadori Rohde konstaton përfundimisht se Kosova, është nj...
Arrestohet i dyshuar katërt për ‘’Rrëmbim’’ në Gjilan, ishte...
Vdes një 33 vjeçar dhe lëndohen dy të tjerë në një aksident ...
Brenda një jave, u realizuan 83 urdhëresa për vepra penale d...