Sipas shumë raportimeve, Shtetet e Bashkuara e kanë kryer një operacion bastisjesh me qëllim të gjetjes dhe kapjes së liderit të grupit famëkeq, ISIS, Abu Bakr al-Baghdadi. Këtë e ka konfirmuar edhe një zyrtar amerikan, por ai nuk tregoi nëse operacioni për kapjen e kreut të ISIS-it ka qenë i suksesshëm.
Sidoqoftë, një zyrtar i ushtrisë amerikane raportohet të ketë thënë se udhëheqësi i Shtetit Islamik është i vdekur. Sipas tij, operacioni është zhvilluar në provincën e Idlibit në Siri dhe është kryer nga forcat për operacione speciale pasi janë marrë të dhënat përmes kanaleve të shërbimeve të inteligjencës.
Ndryshe, dy zyrtarë iranianë i thanë agjencisë së lajmeve “Reuters” se Irani është informuar nga burimet siriane se al-Baghdadi është vrarë. Një gjë të tillë për të njëjtën agjenci e kanë thënë edhe burimet e sigurisë në Irak.
Për më tepër, Vëzhguesi Sirian për të Drejtat e Njeriut ka raportuar se një grup prej tetë helikopterësh, të përcjellë nga një aeroplan luftarak, të cilët i përkisnin forcave ndërkombëtare, i kanë sulmuar pozicionet e grupit “Hurras al-Deen”, ku besohet se ishin duke u fshehur pjesëtarët e ISIS-it.
Agjencia “Associated Press” ka raportuar se nëntë persona janë vrarë gjatë këtij sulmi, por nuk dihet nëse në mesin e tyre është edhe lideri i ISIS-it.
Edhe presidenti i Shteteve të Bashkuara dha shenjë se diçka mund të ketë ndodhur në këtë rajon pasi të shtunën në mbrëmje shkroi në Twitter: “Diçka shumë e madhe sapo ka ndodhur”.
Shtetet e Bashkuara kishin premtuar shpërblim prej 25 milionë dollarësh për ata që ofrojnë informata që çojnë në kapjen e liderit të ISIS-it, shkruan “The Guardian”, transmeton Gazeta Express.
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...