Gjendet i vdekur një 30-vjeçar në Pejë

13:30 | 20 Tetor 2019
L G

Një person i moshës rreth 30-vejçare është gjetur i vdekur gjatë mëngjesit të së dielës në një lagje të qytetit të Pejës.

Policia e Kosovës nga rajoni i Pejës, ka bërë të ditur për Express, se rasti është duke u hetuar dhe se i njëjti është cilësuar si ‘hetim i vdekjes’.

Mëngjesin e sotëm në shtëpinë e tij në lagjen ‘Lidhja e Prizrenit’, në qytetin e Pejës një person rreth 30-vjeçar është gjetur pa shenja jete.

Gazeta Express, mëson se i njëjti ka kryer vetëvrasje. Mirëpo, një gjë e tillë nuk është konfirmuar ende nga policia e Kosovës.

Zëdhënësi i Policisë për rajonin e Pejës, Driton Rugova ka thënë se  rasti po hetohet.

“Mund të ju konfirmojë se rreth orës 10:15, stacioni policor në Pejë ka marrë informatën se një person gjendet i shtrirë në një shtëpi në rrugën “Lidhja e Prizrenit’, në Pejë. Policia dhe ekipet e tjera emergjente kanë dal në vendin e ngjarjes. Rasti është cilësuar si ‘hetim i vdekjes’. Ndërkohë ne, jemi duke i vazhduar hetimet”, tha Rugova.

 

Shpërndaje në rrjete sociale

Lajmet më të lexuara

Të ngjashme

Foto lajm