Google ADS

Edinson Cavani i thotë “po” një top skuadre spanjolle

23:12 | 17 Tetor 2019
Arbresh Info

Sulmuesi i Paris Saint Germain, Edinson Cavani ka pranuar kushtet për transferim te një top skuadër spanjolle.

Sipas një raporti nga portali francez 10Sport, ish sulmuesi i Palermos dhe Napolit ka arritur një marrëveshje me skuadrën spanjolle Atletico Madrid për t’iu bashkuar atyre verën e ardhshme me të përfunduar kontrata e tij te gjiganti francez, transmeton portali arbresh.info.

32-vjeçari është i gatshëm t’i bashkohet klubit spanjoll në janar, por trajneri Diego Simeone preferon që marrëveshja të ndodhë gjatë verës për t’iu shmangur kompensimit me të holla PSG-së.

Cavani ka munguar në shumicën e ndeshjeve këtë sezon te PSG për shkak të problemit me lëndim. Megjithatë, ai e nisi sezonin fuqishëm duke shënuar dy gola në dy ndeshjet e para.

Cavani iu bashkua PSG-së nga Napoli në vitin 2013 pasi performancat impresive te “Partenopei” tërhoqën vëmendjen e shumë klubeve në mbarë Evropën./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm