Ish ylli i Manchester United, Cristiano Ronaldo raportohet të jetë duke diskutuar një rikthim sensacional në Old Trafford.

Reprezentuesi i Portugalisë, i cili aktualisht është pjesë e Juventusit, ka shpenzuar gjashtë vite në Manchester United në fillim të karrierës së tij duke fituar tre tituj në Premierë Ligë, një titull në Premierë Ligë dhe tjerë trofe madhështor në klub, transmeton portali arbresh.info.

Ai konsiderohet ende si njëri nga lojtarët më të mirë që ka luajtur ndonjëherë në United dhe rikthimi i tij padyshim se do të mirëpritej ndërkohë që duket se ai është duke menduar për një mundësi të tillë.

Bazuar në një burim të gazetës spanjolle Diario Gol, 34-vjeçari ka diskutuar rikthimin te “Djajtë e Kuq” në një marrëveshje fillimisht si një lojtar para se të marrë rolin më pas si ambasador i klubit.

Mbetet të shihet nëse Ronaldo do të pranojë një ofertë të tillë për shkak se edhe klube të tjera janë të interesuara për shërbimet e tij.

Ronaldo duket qartë se ka shumë për të ofruar ende si lojtar dhe Diario Gol sugjeron se ai mund të vazhdojë karrierën në Katar, MLS apo liga të ngjashme në një të ardhme të afërt.

Real Madridi është gjithashtu i interesuar për të nënshkruar me të në një marrëveshje të njëjtë si ajo e diskutuar me Manchester United./arbresh.info/