Google ADS

Kthehen Mbappe dhe Cavani, mungon Neymar

22:34 | 17 Tetor 2019
Arbresh Info

Mbappe është gati për lojë, ashtu edhe Cavani – Neymar mungon pas lëndimit me Brazilin dhe do të jetë jashtë së paku për një muaj.

Thomas Tuchel humbi ditë më parë Neymarin, që do të jetë jashtë fushave për të paktën katër javë.

Por, trajneri i PSG-së ka fituar dyshen: Kylian Mbappe dhe Edinson Cavani.

Ata janë rikthyer në skuadër pas vuajtjeve me lëndime të shpeshta që nga starti i sezonit.

Mbappe u desh të largohej nga grumbullimi me Francën për shkak të disa shqetësimeve të vogla, dhe Tuchel është i lumtur që për dy javë e pati atë në shtëpi, çka edhe ia mundësoi të rikuperohet plotësisht për sfidën e nesërme kundër Nice, që do të zhvillohet nga ora 20:45.

Lajmi tjetër i mirë është Cavani, i cili s’ka luajtur që nga gushti. Ai është ftuar dhe është i gatshëm për Nicen.

Shpërndaje në rrjete sociale

Lajmet më të lexuara

Të ngjashme

Foto lajm